十勾皮旦老凯尖

舞林秘笈

2011-12-17T02:00:00.005+08:00

(1)

(2)

(3)

迷上谢金燕

2011-11-12T22:49:00.012+08:00

每次股災期間, 必会瘋狂咁重覆又重覆聽首輕快嘅歌來掩蓋恐慌嘅心情, 全天十幾小時狂播, 今年股災狂聽嘅就係谢金燕嘅"嗶嗶嗶", 嗶完令人興奮同快乐.(08年海嘯時狂聽Madonna嘅Hung Up)

市道回升时, 我就会聽佢年輕出道時嘅"含淚跳恰恰", 免得過度興奮.

原來谢金燕香港都有咁多fans!

不過首官方MV拍得頗差.

喜欢看佢現場表演, 可睇佢現場嘅对答同反應.不愧為台语電音天后,台得很好看, 台得很有特色.

原來佢係豬哥亮个女兒

年輕時蠻可愛的

迷得佢緊要, 短短幾秒視频都bookmark低, 01:18-0133一段, 讚佢, 但又彈佢走路太"三八"哈!
frameborder="0" allowFullScreen="">

嘩!好核突, 瞻瑞文嘅《嘟嘟嘟-嫁入豪門版》, 都係谢金燕唔咸唔淡嘅"谁的老母, 性感很多人call"正啲.

最後嚟个佢嘅经典歌曲串燒, 滿足曬!

海洋公園十月全城哈囉喂广告

2011-09-24T01:23:00.004+08:00

今年嘅广告, 一般, 鬼怪太花巧, 歌詞唔易上口.

去年嘅广告, 正! 勁歌熱舞, 羅蘭跳舞, 歌詞容易入腦, 直頭應該入選全年十大劲歌金曲榜!

咁好睇嘅广告嘅原唱曲:Are You In 羅藍亞 Lana Lo主唱.

熱烈慶賀大潤發"撻Q"後成功上市! 吔~~~

2011-07-27T21:34:00.007+08:00

買進大潤發... 就是快乐的开始!
滿意得笑哈哈...每个股東滿意得笑哈哈!

RT-Mart 在大中華區戰勝Wal-Mart

广告真合意境: 世事難料(上市過程峰迴路轉), 保佑股票羸大錢

我的完美男人片尾_F.I.R.-淚光閃爍

2011-06-12T00:20:00.007+08:00

自"大長今"後話過唔再追電視劇, 幾好睇都係假, 被牽住追看嘅滋味太難受. 但呢次衰咗响"我的完美男人"度, 一星期先做一集, 搞到每週末都要檢查下新一集有得睇未, 真吊胃口! 雖然劇情無セ特別,但勝在節奏夠快, 而且常常令我一路睇一路忍唔住笑, 睇得開心至重要.

每集片尾都会播由飞兒乐隊唱嘅淚光闪爍, 好聽!

真係想試吓係乜味

2011-04-07T17:43:00.005+08:00

清嘴女孩-高圓圓

乖乖

2011-03-28T22:49:00.010+08:00

自從小學四五年级最後一次食乖乖後, 二十幾年來從未再嚐过. 前天經过惠康, 發現香港居然仲有得賣, 立刻買嚟食, 唔....同以前仲係一樣味, 不过包入面再無玩具送, 當年每包乖乖内附小玩具一件. 當年賣八角一包, 而宜賣八蚊, 兒時回憶湧上心頭.

乖乖歌

乖乖内附小玩具

刘若英兒時都钟意食(0:33分)

3 1 6 6 5
乖乖乖乖乖

3 1 6 6 5
乖乖棒棒棒

睡前起牀各唸十次

2011-03-15T18:56:00.002+08:00

"珍惜子弹, 量力而為, 分段吸纳,重整组合"

本週買入咗四大廢股

2011-03-09T21:32:00.012+08:00

本週買咗四隻股, 全是大家号稱的廢柴股, 打算將佢地放响櫃桶底, 半年檢閱一次, 資金以早前炒賣返嚟嘅盈利少量持有.

1)做馬達嘅#179德昌电機(入貨價$4.56)

2)賣Esprit衫嘅#330思捷環球(入貨價:$37)

3)賣电動車嘅#1211比亞迪(入貨價:$34.8)

4)蘋果代工血汗工廠, 股價連同十幾連跳一齊跳嘅#2038富士康(入貨價: $5.46)

此四大天王曾经往日風光过, 炒賣过度上过天價, 而家变咗蔡楓华同張立基. 咸魚唔知有無機会返生?

期四位落難兄弟重現生機.

好歌好股

2011-02-25T20:14:00.010+08:00

http://portal.adkungfu.com/archive/longyin/cn/index.php?akm=Search&aka=advDetail&advId=3643&language=GB

每當股市下挫, 每個不同版塊輪流下跌, 想買嘢但又怕買错貨之時, 佢就係我最佳之選.

理據: 1)一年派兩次息, 坐咗艇嘅話都叫有艇租收. 2)包含幾十隻号稱往績好,流通量大有代表性嘅股份(恆指成份股), 唔掂嘅下年被飞, 股價同恆指同步,免除選股之苦. 3)分散咗投資, 唔会俾單一爆煲股累死, 坐艇都坐得安心啲 4)管理费超低, 全年信託人費不超过0.05% + 全年經理人费不超过0.05%. 5)本金少都可做到分散投资效果 6)既然八成收你超貴管理费嘅基金都跑唔贏恆指, 我等凡人,唔期望可跑贏果批飽讀財經詩書嘅基金经理.我情願稳穩陣陣做貼住恆指表現果批, 最少唔会跑輸大市.

當然有獨到眼光同分析力嘅人可能覺得盈富好廢, 又唔会跑贏大市. 但对怕痕又怕痛但又忍唔住"搔癢"嘅我. 佢係我响大市調整下嘅不二之選.

如果响毫無头绪下都要賭, 我情願押注德州撲克, 响一副得體嘅底牌下ALL-IN. 一,开牌有機会贏, 二, 对手唔敢跟, 贏咗枱面果啲. 勝算仲高少少.

註(引自上述連结):一个颇受争议的电视广告，因为采用了已故歌手陈百强的歌曲《涟漪》。喜欢的人说选此曲带出世事无常的讯息，配合投资盈富基金为将来打算的概念。不喜欢的人说意头不好。无论如何，此片实在摆脱政府宣传片一贯的规范。画面所见父亲为儿子结鞋带，母亲在雨中为儿子提伞，身为补鞋匠的父亲辛劳工作为儿女供书教学。全片温情洋溢，带出投资盈富基金，为未来打算的讯息。旁白：努力得来嘅（的）幸福，总系（是）值得珍惜嘅（的）。由恒性指数成分股组成嘅（的）盈富基金，亦都系（是）一样。请把握呢（这）个投资嘅（的）机会。

王菲也想翻唱之歌《忐忑》

2011-01-16T22:27:00.004+08:00

龚琳娜老師之表演由3分10秒开始:

龚琳娜「神曲」《忐忑》及其来历

第一次聽会覺得"痴線", 咁嘅歌都有...聽多幾次就会不其然咁"那个呆那个呆那个朵....阿姨牙医哟"跟住唱起嚟. 痴埋一份.

AV情節

2011-01-12T10:36:00.012+08:00

一个善良女孩, 入讀咗某所學校, 响入面認識咗一个都算略有名声嘅"學長". 學長為人平日颇為平實, 常說三年內未畢業前不会談恋爱, 專注學業. 誰知有一天, 突然用粗暴的方式将女孩強暴咗.

女孩先而愤怒, 但又無力反抗, 只好惨遭蹂躏, 点知搞吓搞吓, 女孩被搞出个高潮來. 女孩最後, 不單無討厭學長, 还與他拍起拖來, 夜夜春色無边....導演再拍多两場床戲...劇终!

善良女孩= 我

某所學校= 香港股票市場

學長= 民生银行

前排趁調整將打算買回建行之資金轉咗去買民生銀行($6.45), 原因只係貪佢估值平, 点知佢突然定向增發A股(有平豬肉賣,但我無份分, 愤怒!) 諗住呢次跌入狼窩, 不过市場又當利好消息. 对民行咁嘅行為, 我都係無奈被迫接受, 繼而淺嚐高潮, 嘆完後就打算將之劇终.

期大市短期內多水多汁, 高潮不斷...

慕容晓晓《爱情买卖》

2011-01-11T23:53:00.000+08:00

德州撲克=出售剩餘人生

2011-01-01T17:43:00.012+08:00

自澳门數年前首次推出德州撲克起, 我便將所有工餘時間參與呢個遊戲, 差不多所有唔駛返工嘅日子都响澳门渡过, 可謂出售曬我嘅剩餘時間.

咁德州撲克係咪真係咁好玩? 我会答你一啲都唔好玩, 尤其係要打嬴錢嘅德州撲克, 需要無比嘅耐性同自制力,短時间作出重要而正確嘅決定. 真係無牌時又悶, 有牌時又驚(包含驚喜同驚嚇!)

一張好枱 + 一副好牌 + 好嘅位置 + 好嘅對手 (即係打得差嘅对手)= 赢大錢.

以上缺一, 都好難驘到大錢.

先講好牌, 牌係無得揀嘅, 任何人攞好牌同爛牌嘅機会長綫嚟講係均等嘅. 所以無得選擇.

其他可以選擇嘅, 我哋就盡可能主动去尋找, 一張枱九人对戰, 唔同嘅对手同坐唔同嘅位对勝負主宰住重要关鍵, 主動轉枱同轉位, 務求尋找最有利位置, 等候一个勝率比輸率高嘅時機, 大膽押注. 期望將对手一劍封喉. 有時又要在局中一隻逆風牌出現時忍痛棄牌, 要"捨得", 先捨才会後得.有時又要無牌扮有牌, 唬哮对手.(儘力做到鸁就驘到盡, 輸就將損失減至最少) 能夠長期响勝率比輸率高之下进行押注, 長綫嚟講就梗係Sure Win.(記住我所講係長綫,其间波动好大, 但係長綫向上), 打得比較似樣嘅人嘅收益, 就如恆生指數圖般, 雖有波动, 但長綫反覆向上.

經过幾年發展, 遊戲漸漸成熟, 打得差嘅人一係輸到唔玩, 一係己從派錢过程中領悟到驘錢要訣, 成為咗驘家. 部分甚至轉為職業, 長期打德州撲克挣取金錢. 今時今日都好少見到好似當年啲大款擺幾萬蚊上枱任你攞. 一边玩一边问規則一边派錢.

加上前排香港警方掃蕩地下德州撲克場, 令一批平日响香港打开嘅人都逼住去澳门打. "水魚"日少, "鯊魚"漸多, 响僧多粥少情況下, 我嘅收益不斷下降, 比以往收益率下降超过百分之五十. 從似往目標日索幾千, 而家只能日索千幾. 揾食愈來愈艱難.

係時候要考慮仲出唔出售我嘅剩餘人生比呢個Game. 因為打牌, 我差不多放棄曬所有正常生活及朋友嘅约会,年中又無休, 唔係返工就打牌. 鐵人都有頂唔住一日, 响人眼中又有不良印象, 覺得你係賭仔(其实我係去返一份時薪平均不俗嘅兼职). 不过响仲未有決定時, 我会從收益方面作考慮, 假如每小時收益降至一百五十元以下, 我就唔会再出售我嘅剩餘時间俾呢個遊戲. 因為呢个價錢已經唔值擺咁多時间落去.

期望尋找到人生新路向.

"股市天天向上"節目中感人片段

2010-12-18T19:51:00.013+08:00

母女情深版--每次见儲阿姨口窒窒地回答提问, 令我都替她緊张起來, 一個女人撐起整个家不是容易啊!

一家人邊有隔夜仇版--宋峻在母親病危及花费庞大醫療开支後, 对母親说了句"能不能留点錢给我女兒?"一直不能釋怀.

呢個節目除咗娱乐性豐富外, 商業味都好重, 加上在优酷熱播, 令我身在香港亦能欣赏到國內精彩節目從而認識到一些國內品牌, 達到咗宣傳效果. 怪不得優酷本月在美国上市(编号YOKU)首天大漲160%...網络威力真大, 從在优酷上看這節目, 我認識咗:

1)熔盛重工, 在IPO前獨家冠名此節目, 時機配合得宜,聰明得很, 令人对1101產生關注.

2)大智慧, 抄股軟件, 亦將上市, 贊助此節目我想又係用嚟配合IPO上市. 不过我裝咗响諾基亞觸屏手機上覺得軟件介面上有待改进, 仍然用虛擬方向鍵操作, 很不方便. 可能套軟件起初係以按鍵手機設計為先. 不过軟件內資料丰富同圖表造得不俗. 唔知同類軟件"同花顺"会唔会好用啲呢?得閒試下先.

3)第一財經, 財经媒體, 辦網站, 出報章,周刊同雜誌.

4)KOOL品牌男服.

5)京東網上商城. 賣豆浆機, 电钣煲及筆記本电腦等家电.

6)荣威350....Youku每段片都提你咁正嘅車只售8.97萬.

7)VANCL凡客誠品, 賣衣服鞋履, Youku提你潮人衣物都係幾十蚊件, 好易可以打扮成帥哥美女.

其实仲有好多有关呢个節目嘅花絮响电視無播, 部份电視未播嘅都有得睇, 有興趣可到下面連结观赏.

http://u.youku.com/user_video/uid_%E8%82%A1%E5%B8%82%E5%A4%A9%E5%A4%A9%E5%90%91%E4%B8%8A.html

睿琦好美

2010-12-18T01:25:00.004+08:00

心动價, 大手買入

2010-12-06T18:59:00.013+08:00

正價 $3.7

250天平均價 $3.2

特價 $2.9(偶然出現)

現作價 $2.69

近來都好少見到呢個海嘯價, 馬上行动, 在市場大手掃入.

呢个市場叫惠康超級市場, 共買入100包出前一丁(每十包賣26.9)

呢次真係有排食.

埋單時如果成箱買記住提醒收銀員按每十包計, 如果唔係会按箱計(一箱30包特價做緊88蚊, 2.93/包).

因会計制度差別而買貴貨就唔抵喇, 就如一隻股票從2.93跌到2.69好傷架啦.

"你不是一個人在炒股"宣傳語的由來

2010-12-01T20:11:00.015+08:00

先看看"股市天天向上"男主持黃健翔當年作為體育節目評述員嘅激情旁述(2006年世界盃意大利对澳大利亞):

(((点球~~点球~~~点球~~)))

((((他不是一个人在战斗~~他不是一个人...))))

(((((球进了~~比賽结束了~~意大利隊......)))))

第二日, 當然要跪玻璃....

不过我自己覺得有咁嘅旁述先正喎,夠曬氣氛, 而家睇親波經常睇睇吓瞓著左, 啲旁述好似唸經咁.

黃生嘅你不是一個人在战斗後來成為广為傳播嘅名言, 作為節目男主持, 當然借鏡佢嘅名言, 改为"你不是一個人在炒股", 作為節目宣傳語.

第七集又有得睇啦...去片...

http://v.youku.com/v_show/id_XMjI1OTQwNTU2.html

買入中国动向(3818)

2010-11-28T23:09:00.004+08:00

見佢被狂質, 貪佢估值便宜, 上市集资啲錢仲未用, 現金有幾十億, 派息亦高. 高層話"花好錢比快花錢更重要", 希望佢响適當時機能花錢出擊. $3.5買入. 乖乖扣好安全帶. KAPPA...GO!!!!!

排隊又排隊, 執得七舊.

2010-11-24T19:48:00.009+08:00

孖咗好孩子, 用兩個名, 一個抽二十萬股, 一个抽五十萬股, 得一手+二手=3手.

部分按金亦係透支, 費用600.

孖展連銀行費, 费用 700

首次認購費1%, 費用 150

存倉费, 30 x 2 = 60

沽出費 100 x2 = 200

其他什費: 100

开市仲要低位5.75沽左, (5.75-4.9) X 3000股减以上費用, 淨執七舊...小...排隊攞錢入錢錢都排咗兩次. 腳仔都軟埋.

去東亞开出糧户口, 賞都唔止七舊, 仲係零風險, 不過諗起又要排隊, 怕怕.

新股潮暫告一段落.

阿發, 同你同坐一條船啦(916龙源电力)

2010-11-23T14:51:00.013+08:00

今早見隻建行死都唔跌到我想入個價, 只好再忍,忍,忍. 轉移目標掛低8至十格買916(掛低咁多就知我買嘅意欲有幾咁高啦..哈哈), 下午一开市無耐就做咗, $7.31. 又坐咗艇啦.阿發, 而家我哋又同坐一條船啦,記得當年我哋共事時遇上金融海嘯, 齊齊坐艇宏利. 好彩最後都修成正果. 期呢次唔使坐太耐艇能嬴个水舞间free trip.(船飞+酒店+门券), 輸咗最多唔睇慳返補數.

後記: 入咗貨後先知原來朝鲜人打架, 早上輸入嘅幻想價入173嘉華國際(2.9)同2628中人壽(33.3)都做唔到. 幻想價原來一個lunch break就差唔多变成現实價. 以後都咪一放假就手多多忍唔住手.

節目"股市天天向上"主题曲-"风雨中成长"

2010-11-22T21:38:00.011+08:00

風雨中成長寿君超主唱

第一财经主持人合唱

一口氣看了五集"股市天天向上", 每當參賽者乘坐轎車出場時總会响起此曲, 不斷重覆催眠下, 我也學会哼起此曲. 天天向上~~ 生活就像冲浪~~ 天天向上(~~呀)~~我要盡情绽放~~

買回建行機会來了

2010-11-21T19:55:00.008+08:00

一路好想找機会買回高位沽出之建行, 目標價在７元或以下.

機会1: 趁双鬼拍门(港府呢次真係大大力打壓樓市+ 祖国又再提高存款準備金50點子)兩大壞诮息夾攻下, 周一低开無疑. 把握機会跳上.

機会2: 工行A股601398嚟緊周三(24/11)復牌, 上周工行Ａ股停牌前居然由先跌4%後急升倒升6-7%, 繼而打茅波停牌個幾星期. 停牌呢個星期股市急跌, 你話工行A股如果除咗供股再除權外無其他利好诮息發放嘅話, 復牌時一次过反映整周嘅跌幅都唔奇,(建行H股比A股有29%谥價, 工行H股現只比A股有6%溢價, 因為工行A股停牌噴咗定型水定咗响人民幣5蚊, 一开真係跌停板都唔奇) 大大拖低国內指數, 期乘亂買入建行.

雖然買得到又未必好, 希望做啱嘢.

PS: AH股明明係同股同權但長年唔同價, 而家又嚟個A股停牌, H股繼續開. 啲大户真係Happy, 可上下其手.記得以前銀行類別H股為例,長期低於A股, 近月居然建行H股貴過A股幾近30%. 雖然話A股係唔开放比國外人買, 唔同市場,所以供求唔同. 但超長綫後價錢终歸要反映個實况. 究竟係國內人唔識貨低估咗金融股嘅價值(照計佢哋自己会清楚自己多过外資), 定係我地同外資对金融類別股份過份乐觀而抄高咗H股個價?...想到頭都大賣,不過唔理咁多喇, 都係按計劃行事.

後記: 一路等至十二月尾都未買回建行. 期间雖然落过6.8, 但都無出手.

臺北國際花卉博覽會指定曲-美麗的力量

2010-11-18T22:12:00.007+08:00

把36岁的林志玲拍得如花般嬌美, 歌声亦比想像中好,配上輕快的旋律, 不俗.

靚花,請賞...

点解宜家啲財經網站咁唔專業?

2010-11-16T23:37:00.010+08:00

建設銀行(939)都算係熱門股票卦?

建行供股都算係熱門股票中嘅大事件卦?

十一月五日受唔住建行急升嘅吸引(8.4诂出), 將當年新股抽番嚟嘅建行倉底貨都忍唔住沽出, 連等多幾日就到手嘅供股權都唔要(10供0.7, 作價$4.38, 好似好吸引喎, 半價咁滯, 實質並唔係見到嘅咁大著數). 但提醒自己一定要响除權後買番.(當時都唔知買唔買得番)

咁巧合遇著大跌市打算補回先前沽出嘅建行.但又唔知除權後個價應該係幾多先啱. 上各大財经網站一查先知原來咁難揾, 根本就無提11月9号或10号(唔知我自己有無計错)係除權日, 更甚者係將供股咁大新聞都輕輕帶過, 幾十篇文度得一篇半幅提吓供股事. 啲要計嘅除權日同除權價更加無影. 只有大量吹水報告, 乜乜窩輪精選推介.

咁咪好易誤導讀者, 例如XX行之前話睇8蚊, 今日建行先得7.2幾左右. 人哋咪以為有水位? 誰知8蚊係除權前个價, 除權後都係得7個幾咋, 加上大跌市, 如果信報告嘅話, 根本就已差唔多.

好在有啲網站嘅價係識用除權後計, 不過都有啲出入(AAstocks 52週:5.549-8.217, Quamnet 52週:5.632-8.202, etnet 52週5.325-8.217, money18 52週: 5.632-8.202) 有啲價啱, 圖表仍用除權前舊價个價顯示. google財經最错, 全部用除權前个價(52週:5.72-8.47).

咁我唯有簡单啲當8.47係除權前高位, 8.21係除權後高位. 即係話除權後个價会少约3%.咁我嘅沽出價8.4就等於今時今日除權后嘅約8.15左右.

幾時買翻隻建行暫時唔提, 令我擔心嘅係原來啲資料唔齊全唔可靠同唔统一, 咁大路股票如建行自己有睇开都搞到咁難計數. 其他從無睇开嘅股咪好易会吸收咗错誤資料而賴嘢?

不过算喇, 擔心唔到甘多, 擔心都係要邊行邊賭邊上路.

唔中, 再唔中, 好彩

2010-11-15T16:54:00.008+08:00

理士同泓淋唔想抽, 但又忍唔住手怕執輸. 結果第一次用电訊証劵抽新股(电訊証券收$25,恆生抽要一舊水, 仲要幾條嘢存倉費, 賣出又收一舊, 抽得一手好大可能蝕錢), 求其入咗五手理士同十手泓淋,用來頂瘾.從未試過咁細注抽新股. 居然2284份中1827份得一手及1935份中1316份得一手都分唔中. GOOD! 共蝕$25 x2 = $50.

幣!点解我嘅行為咁似戒煙, 明知唔應該抽, 但又忍唔到, 只好求其揾啲嚟頂住. 可能因為嬴錢帶嚟嘅快感比尼古丁仲大, 仲舒暢.

係時候念番幾句清醒吓: "賭博無必勝，輕注可怡情，閒時來玩耍，保持娛樂性".

扣扣大戰叁碌齡

2010-11-09T00:05:00.010+08:00

踢踏舞團 Riverdance 大河之舞

2010-11-04T14:08:00.004+08:00

扑傻瓜遊戲學会咗...

2010-10-31T10:28:00.014+08:00

1)更加知道咗守時嘅重要性, 美即事件, 遲一分钟就見財花水. 懒懒閒食個早歺就出事, 唔怪之得老人家成日話守時係成功既其一要訣. 我和美即之约就係咁告吹咗.

2)機会係留俾有準備嘅人把握, 我就係無睇好个招股時间表, 错过左用慣常用开嘅恆生Bank抽美即, 迫住用中銀, 点知因為無用中銀太耐, 搞咗一大輪先登入到而未能及時認購.

3)中銀好廢, 咁大间銀行, 新股招股第一日時常无孖展借, 第二日先又突然推出孖展借貸, 幾个钟後又話借L完, 攪到人陣腳大亂. 好心連我等業餘扑傻瓜遊戲參與者都大概知個上市時間表同受熱捧程度, 咁大间行有大批專業人士評估市場所需,有乜理由做到咁差.

4)中銀好爛, 無得借後依然扮有得借, 等你好用心機, 仔細咁填好曬所有資料後, 按確定鍵後先同你話"对不起, 我已被剝光豬, 無得俾你剝". 無得借就唔該收起个牌. 情況就如男人同女人燭光晚歺,继而上房, 氣氛浪漫而温馨, 冲好涼後, 佢先同你話姨媽到, 剩係抱抱好唔好.

5)原來中銀有樣好, 網上現金認購只係比填白表認購早兩个钟截止(早上十点截), 其他Bank多數網上比中銀早截. 適合用於最後一刻先決定用現金扑搥嘅股份.

6)一向用开恆生, 不过收費全行最貴, 但响呢輪扑傻瓜熱中, 知道佢貴得物有所值, 熱爆新股孖展長借長有, 當周街都話孖展爆額時恆生仍然任借, 唔該中銀仔你學吓嘢喇.

7)新股賺錢並唔係必然, 唔似早期例必高开, 愈炒愈有. 要謹慎行事.

8)一定愈黎愈難賺, 身边有唔少平日唔抽新股嘅朋友都开始去馬. 新股閒閒地就話超三五百倍, 甚至过千倍. 新股見咁受欢迎,訂價梗係又愈來愈進取, 上升水位愈來愈少. 好嘢怕分唔夠貨, 衰嘢怕分到一身都係.

唔知幾時会嚟个反高潮, 但願新股潮長玩長有.

P.S.今日隻雅士利一上就大插十幾二十巴仙, 有孖展嘅朋友真係本金輸光不只, 仲要欠銀行錢. 一开己3.7(招股價4.2) 直瀉落3.48. 呢隻我雖然無抽, 但唔識死按上文計劃買入, 入貨價3.61. 而家震騰中, 只好呼模之首周小姐來打打氣. 希望啲奶可以好賣啲.

扑傻瓜遊戲过程

2010-10-30T21:18:00.022+08:00

呢次扑傻瓜熱由美即(1633)开始:

1)一开闸, 我就脱腳, 為食累事, 為咗食一碗歺旦面早歺, 搞到十点零一分登入中银時獲知已截止網上申請, 遲咗一分鐘而飲恨. 此股至今累積升幅95%.

2)當時心中一沉, 知道一定走寶, 立即上網睇睇有無其他替代品, 剛好同期有微創医療(0853),比美即遲一日截止, 於是快速咁睇吓少少資料覺得好似都唔錯, 就攞起個鎚扑, 中! 首日升幅近30%, 雖然升幅無美即咁好,但係同一筆錢比美即分多好多. 阿Q啲咁諗算係跌咗个柚執返絛蕉.

3)跟住嚟嘅係博士蛙(1698), 呢隻瘋蛙有當炒嘅內消概念, 又係獨一無二嘅賣童裝, 加上獲闊小姐強力推薦, 咁就大大力咁孖佢一嘢, 難聽啲咁講, 真係底褲都當埋力一扑, 隻瘋蛙都無令大家失望. 一开波就瘋弹五成, 見佢咁瘋, 咁我做咗三分鍾股東就走人.

4)往後嘅海豐, 麥達斯, 都無扑, 融創係內房股, 內房新股慣例大多PK, 唔扑, 乜嘢榮X, 永暉, 日日有新嘢上, 新股大混戰, 唔好講做边行生意, 开始連名都搞唔清, 無扑.

5)印象較深嘅係丽悦酒店, 係遠東分折出嚟, 响香港啲酒店房超细而超貴, 其他城市就唔知, 遠東嘅嘢仲有好嘢益你? 老細都話明係"休得跟", 咁你仲跟唔跟?

6)現金扑咗隻金風(2208), 見佢同金風A股(02202.sz)有约20%折讓, 可能有水位, 細細力扑, 所以只能嬴小小.如果有孖就正喇, 雖然升得唔多, 但獲派比率幾高.

7)創益太陽能(2468)都有扑, 小賺但失望, 暗盤有成６个幾, 一开只得５个幾, 仲直線下滑到５蚊頭, 最后5.3诂出.

8)最失敗就係新天绿色, 赛晶同隻脱光賤貨同期招股, 我居然三選二放棄咗大升幾十巴仙嘅赛晶唔扑, 揀咗其他兩隻, 结果大幅超額嘅新天綠色跌破招股價, 2.57先沽一半, 过十日八日反弹上2.8再沽餘下, 平手但系蝕使費離場. 隻脱光賤貨唔好講, 我諗住赛晶熱, 好難分到貨, 學人走去扒冷门, 諗住升小小但可以好分. 結果話全數獲派喎, 你話呢次仲唔大碌?(雖然我知自己唔係細碌), 估計要蝕十幾廿个巴仙. 不过更戲劇性嘅係國際配售反應差, 以低於下限訂價上市, 原先申請人可以選擇撤消申請, 雖然條件好似吸引咗好多, 但基于扑傻瓜遊戲愈贵愈多人搶, 愈平愈賤準則下, 君子不立危牆下, 選了全數withdraw. 而家隻賤貨收報1.6. 真係執返身彩.

9)見先前兩隻無得執, 無推动力下錯过咗博耳同華地, 兩隻都無扑. 走咗雞.

10)有两隻賣奶嘅唔玩, 中國毒奶令我信心不足. 模賣奶就唔同. 環乳谮水中, 雅士利未上市, 暗盤跌9%. 不過雅士利若如暗盤低10%, 会即于上市日買.

11)隻四環有扑, 仲有孖, 還可以. 做咗一分鐘股東就退股. 滿意.

12)巨無霸AIA, 有孖, , 完本想似隻瘋蛙全力扑, 但参考过農行嘅派發表(參考農行係因為集資額相若,同樣係國際大户反應湧躍, 本地公开發售反應一般, 農行5%公开發售A组都要接十幾巴仙货, AIA係10个巴仙公开發售呀, 睇散户反應比農行好, 但多一倍貨賣 ) 按參考估計有可能要再多補一倍孖展錢, 所以只係中力咁扑, 留錢嚟補倉, 结果真係獲派到一"富"都係. 未上市前都有壓力, 加上上市前兩天港股单日大調整咗四百幾点,搞到晚晚睇美股怕佢大跌而令巨無霸頂唔住. 結果顺利高开, 食糊後留番幾千股睇長小小. 謝AIG賣仔救母.

13)長興, 有孖,大力扑, 但我諗無乜肉食, 聞說80手中1手, 500手才有兩手. 若此屬實, 若升幅唔夠多(2成)的話, 幫银行打工而己. 我自己估佢升到四五成以上...但願如此.

14)跟住仲扑唔扑, 我估真係要睇市况,睇訂價, 睇氣氛不过暫定較大機会去馬嘅係理士電池同做BB車嘅好孩子.

JabbaWockeeZ 假面舞客讚!

2010-10-16T20:57:00.008+08:00

JabbaWockeeZ - Apologize

脫光賤貨

2010-10-12T16:23:00.009+08:00

原本以為你只係騷貨, 可以輕撫, 誰知你胃ロ太大, 搞到变為賤貨.

(設計圖片-來源:網易頻道)

你個俄女好快啲回水喎, 唔回就快快企街賣.

咁著數?仲有得缩沙?

2010-10-09T20:51:00.006+08:00

【本報訊】新股熱潮降溫，消息透露，俄羅斯鐵礦石生產商鐵江現貨（ 1029， IRC）因認購反應未如公司預期理想，故將招股價由原先介乎 2.2至 3元，最多下調 40%至每股 1.8元，同時剔除母公司 Petropavlovsk出售舊股方案，令集資規模「縮水」 52%至約 19.26億元。　記者：陳韻妍

上市日期延遲 5天

鐵貨成為繼敏華控股（ 1999）後，今年第二隻劈價招股的新股。據 Petropavlovsk通告指出，雖然鐵貨在港認購股份的數目超額，但超額認購程度未符合公司最高期望，因此有意更改鐵貨的全球發售規模，預計會令上市時間延遲。據悉，由於鐵貨須為招股文件提交補充資料，因此上市日期會由原訂的 10月 14日（下周四），延遲至 10月 19日，已認購的投資者將可選擇是否繼續認購。

集資規模勁減逾半
消息稱，鐵貨自招股後，一直與有意入股的基金洽談，部份基金向其反映定價過高，為了保住招股價及令估值更吸引，鐵貨決定將招股價下調至 1.8元，減幅介乎 18.18%至 40%。而調低招股價後，配售部份已獲超額，而每手股數將有所變動。市場消息又透露，鐵貨母公司將不會按原計劃出售 2.55億舊股，令發售股數減至 10.7億股，集資規模亦由最初 29.15億至 39.75億元，減至 19.26億元，減幅 33.93%至 51.55%。

消息指出，由於鐵貨旗下 K&S開發項目已獲全數融資，故縮減集資規模不會影響項目發展。鐵貨是繼俄鋁（ 486）後，第二家在港上市的俄羅斯企業，但俄鋁招股時只限機構投資者認購，散戶無緣參與，今次容許散戶「落場」的鐵貨卻被冷待。輝立證券企業融資主任陳英傑指出，鐵貨招股以來，散戶反應不算熱烈，該行承造的鐵貨孖展額剛足額，僅 1200萬元，較同期招股的新股為低，故即使鐵貨減價，亦屬預期之內，惟倘如市傳般減至 1.8元，則減幅較業界估計為大。今次鐵貨擬推出的減價計劃，與 3月底割價招股的敏華幾乎如出一轍。當時敏華在招股期過後，宣佈將招股價最多減 42.37%至每股 6.8元，同時主要股東亦取消出售舊股。惟減價重來後，敏華亦難逃破底命運，首日掛牌微跌 1.4%，其後股價輾轉向上，昨收 9.08元，累升 33.5%。

呢次真係扑唔中傻瓜自己变咗傻瓜, 雖然早知此股冷门, 故無做孖展, 但有機會認購全數獲派確係可怕. 而家仲有機會缩沙? 蘋果咪"報流料"逗我開心喎.

国慶假期怀著中伏心情去打德州撲克, 期望可乘長假期較多Leisure player嘅日子追回鐵江現貨估計之損失(估計全數獲派, 下跌10%, 損失萬多元), 打得比平日进取, 变奏亦調得比平日多, 時而打得猛緊, 時而打得鬆散,令自己無咁容易被對手看穿. 苦戰二十多小時终嬴萬多元. 刚好打平鐵江現貨估計之損失. 真係攞嚟衰.

若如蘋果所言, 下調至$1.8, 可供選擇是否繼續認購的話, 真係喜訊一則.

扑傻瓜遊戲真係咁好玩?

2010-10-06T01:10:00.010+08:00

現正招股之鐵江現貨(1029)嘅公司網頁都幾獨特, 簡潔到有啲嚇人, 公司年年蝕錢, 連装饰门面啲錢都慳翻...汗!!!

不过更嚇人嘅係呢隻IPO我都有去抽, 而家IPO好似玩"扑傻瓜"遊戲咁, 扑中有, 有膽嘅仲可以玩埋"音乐椅"遊戲, 有膽坐得愈耐,嬴得愈多.

对上市條例不熟, 年年蝕錢都可以上市? 点解會抽? 因為:
1)扑开有條癮, 亂9咁扑.
2)母公司曾諦造神話之往績
3)傳+X哥都有入, 不过我哋三个遊戲幣扑一次, 人哋入一個幤都可能有得玩.

全城熱爆扑傻瓜, 遲早機都俾扑爆.

Wonder Girls - 2 Different Tears

2010-08-14T22:51:00.010+08:00

中文版 MV...佢哋老細JYP啲中文真搞嘢, 仲频频响 Wonder girls多套MV入面出現.

Live...唔係好慣無咗宣美嘅Wonder girls.

Park Jin Young - Honey...老細,唱得好,無怪乎捧红多位藝人.

與張學友的"頭髮亂了"相比起來, Park Jin Young 的好聽得多.

娱樂性十足:韓國交警表演 Wonder Girls 之 Tell Me

2010-07-21T23:35:00.009+08:00

Wonder Girls- Tell me
1分20秒成員之一嘅So Hee果吓"拋媚眼"真係殺死人, 暈~~~

買入1211比亞迪

2010-07-19T11:36:00.004+08:00

今日48.2買入#1211(BYD), 公司不斷傳出壞消息, 庫存增加, 延遲A股上市, 違法佔地等, 提供了一個比較合理之買入時機. 期往後再能"起錨". BYD...Build Your Dreams!

後記: 買咗後第日即刻反弹, 揸至57元沽出, 估唔到唔駛幾日又落返48元, 又買返, 又弹过,最後一次趁巴菲特访華56元沽出. 完结震盪之旅.

顾峰&斯琴高丽 - 猜

2010-06-13T02:35:00.001+08:00

有一点心動 - iphone 4

2010-06-08T22:09:00.008+08:00

蘋果出的第四款电話终於吸引了我的眼球, 前三款我只覺得似塊乒乓波板.呵呵,無意得罪蘋果粉絲.

假若熊來了,我要做的是.....

2010-05-21T01:17:00.003+08:00

當然是滅少開支,以捱過寒冬:

1)醫療保險...Cut...大病時就算有保險根本就唔夠應付私家醫院開支, 政府醫院設備全港一流. 小病即係可以拖喇, 慢慢排政府可也, 相信政府唔会見死不救卦. 省$1000.

2)家居保險, Cut...到時都家徒四壁, 有賊入屋都無乜財物損失.省$150

3)Now电視...Cut...根本從來好少睇, 機頂盒一早己淪為裝飾物. 省$250

4)中國澳门两地之無線宽频...Cut...很少帶notebook在身, 多用手機上網. 省200

5)長途电活費...Cut..人在旅途多寂聊,用來聊天居多. 省$400

5)減少與朋友外出...粗略估計一週两次, 每次消費五百, (2x500x4), 省$4000

6)不帶狗狗到外剪毛及冲涼, 親自操刀. 省$1200

7)善用公共交通,不再貪舒適坐的士, . 省$800

8)骨不能不揼,但可減少, 少到豪华大場,改往裝修稍次之中場,另自我約束双鍾簽小費不能多于50. 省$1000

9)一日四歺都在外用膳, 宵夜可改食面包,公仔面, 其他三頓改往经濟實惠之茶歺庁, 多選套歺.省$1000

10)將多年無用但仍保留著的电話號碼轉做储值卡, 唔用唔計錢, 只收每月行政费$2.5. 省30.

以上十項每月共省$10030, 全年共省$120360.

不能減之項目:

1)人壽保險, 人到中年都無乜作為, 相信呢世都報答唔到关怀自己嘅人, 希望最後能聊表孝意同谢意.

2)吸煙, 到医院戒煙兩次都失敗, 相信会吸食至呼吸停止之日. 如果有曰我同你講戒咗煙嘅話,請唔好恭喜住,可能仲大锅, 因為已改食毒品.

3)狗狗之医療费, 狗狗年事己高, 最近確诊患上心臟病, 要長期keep住覆診食藥控制病情.费用都唔平, 狗狗你放心, 亦要堅強振作,爸爸一定会盡力醫你同照顧你.

#3333

2010-05-19T10:36:00.003+08:00

今天2.1買入#3333恆大地產,國內房地產股腥風血雨, 近期內房股插水式暴跌, 恆大率先以85折促銷, 反應夠怏, 面對現實, 好過死守原價, 做生意最緊要貨如輪轉嘛! 不過响呢個時勢買入呢個行為就如徒手接下空中落下之利刃,希望唔好到成手血喇, 期先苦後甜.

後記: 因溝得太多貨, ($2.1, $2, $1.88,, $1.87), 返弹時沿途走貨, 最后一注$3.1诂出. 走咗宝!最后升至4元. 可惜未能賺盡.

《三枪拍案惊奇》片尾集体复活舞蹈

2010-04-07T23:04:00.004+08:00

高清 6分05秒開始

小沈阳-我只是个传说

我的新寵

2010-03-16T23:34:00.006+08:00

從不喜歡喝奶類飲品的我, 居然一飲就愛上咗, 那種香,那種滑, 那種果香, 一飲難忘.
娃哈哈集團的營養快綫...多谢你!

一路發發

2010-03-12T13:48:00.007+08:00

上週以16.88入了1688阿里巴巴.
1)唔知買乜, 是旦買隻好似唔太差嘅
2)倉內欠缺科網類股份, 許久沒沾手此類股份, 為組合平衡一下類別比重
3)曾半信半疑此營運模式之成效...押注曾被看成瘋子既老细"馬云"
4)念念不忘此日, 2007年11月6日上市當日, 悲喜交雜, 喜的當然是阿里巴巴IPO一上市就暴升,兩日升兩倍,短跑成功. 悲的就是相伴多年嘅愛犬亦是此日離世.
5)意頭好,16.88入1688,咁仲唔一路發發發發發發...?
當然仲有6,7,8既原因, 不過連意頭好都可係原因, 看倌就知我亂9咁嚟,其實每个股民買股總有其自己嘅理由, 總之我自己就真金白银"挺"佢一嘢. Good luck la!

後記:買咗先至留意到快公佈業绩, 怕佢見業绩死, 業绩公佈前18元沽出. 好彩..近期在13-14元浮沉.

斯琴高丽的伤心

2009-12-13T12:57:00.006+08:00

【纪念陈琳】

2009-11-10T00:12:00.004+08:00

爱就爱了

犯錯 (顧峰斯琴高麗)

2009-11-02T22:58:00.002+08:00

蔡依林- 愛無赦

2009-06-11T22:52:00.000+08:00

誘人的美腿, 親切的臺語

2009-05-19T22:55:00.002+08:00

謝金燕〖練舞功〗

北京欢迎你 (入面既藝人你認得出幾個?)

2008-09-11T00:40:00.013+08:00

北京欢迎你 MV

北京欢迎你现场版

迎接另一个晨曦带来全新空气——陈天佳（正阳门箭楼上）

气息改变情味不变茶香飘满情谊——刘欢（鸟巢）

我家大门常打开开放怀抱等你——那英（德胜门箭楼，2008年4月13日）

拥抱过就有了默契你会爱上这里——孙燕姿（北海公园白塔，2008年4月2日）

不管远近都是客人请不用客气——孙悦（普渡寺，2008年4月7日）

相约好了在一起我们欢迎你——王力宏（中华世纪坛、书法，2008年3月20日）

我家种着万年青开放每段传奇——韩红（北京大学未名湖畔博雅塔）

为传统的土壤播种为你留下回忆——周华健（太庙，2008年4月8日）

陌生熟悉都是客人请不用拘礼——梁咏琪（国子监琉璃牌坊）

第几次来没关系有太多话题——羽泉（皮影戏）

北京欢迎你为你开天辟地——成龙（八达岭长城，2008年4月3日）

流动中的魅力充满着朝气——任贤齐（琉璃厂北京画店、折扇）

北京欢迎你在太阳下分享呼吸——蔡依林（奥林匹克水上公园）

在黄土地刷新成绩——孙楠（国家大剧院）

我家大门常打开开怀容纳天地——周笔畅（水立方）

岁月绽放青春笑容迎接这个日期——韦唯（糊风筝）

天大地大都是朋友请不用客气——黄晓明（奥林匹克水上公园，2008年4月13日）

画意诗情带笑意只为等待你——韩庚（画京剧脸谱）

北京欢迎你像音乐感动你——汪峰（古观象台）

让我们都加油去超越自己——莫文蔚（社稷坛(中山公园)五色土）

北京欢迎你有梦想谁都了不起——谭晶（四合院模型）

有勇气就会有奇迹——陈奕迅（天坛坛门）

北京欢迎你为你开天辟地——阎维文（五棵松体育馆）

流动中的魅力充满着朝气——戴玉强（北京孔庙大成门）

北京欢迎你在太阳下分享呼吸——王霞李双松（什刹海荷花市场）

在黄土地刷新成绩——廖昌永（首都博物馆）

北京欢迎你像音乐感动你——林依轮（茶道）

让我们都加油去超越自己——张娜拉（鼓楼上，背景为钟楼）

北京欢迎你有梦想谁都了不起——林俊杰（湖广会馆大戏楼）

有勇气就会有奇迹——阿杜（湖广会馆大戏楼）

我家大门常打开开放怀抱等你——容祖儿（故宫）

拥抱过就有了默契你会爱上这里——李宇春（火锅）

不管远近都是客人请不用客气——黄大炜（拨浪鼓）

相约好了在一起我们欢迎你——陈坤（福到）

北京欢迎你为你开天辟地——谢霆锋（故宫）

流动中的魅力充满着朝气——韩磊

北京欢迎你在太阳下分享呼吸——徐若瑄（世贸天阶，2008年4月7日）

在黄土地刷新成绩——费翔

片中：长城、天安门、天坛祈年殿、九龙壁、故宫三大殿、抖空竹、长嘴壶茶艺、北京烤鸭、拉面、首都机场、北京城铁、立交桥、体育场馆

我家大门常打开开怀容纳天地——汤灿（刺绣）

岁月绽放青春笑容迎接这个日期——林志玲（故宫午门）张梓琳（包饺子）

天大地大都是朋友请不用客气——张靓颖（剪纸）

画意诗情带笑意只为等待你——许茹芸（浇花）伍思凯（瓷器）

北京欢迎你像音乐感动你——杨坤（画桌前）范玮琪（中央电视塔）

让我们都加油去超越自己——游鸿明腾格尔黄大炜满文军纪敏佳（老北京四合院）周晓欧（书法）

北京欢迎你有梦想谁都了不起——沙宝亮（瓷器）

有勇气就会有奇迹——金海心何润东（中央电视塔）

北京欢迎你为你开天辟地——飞儿（北海公园五龙亭）庞龙

流动中的魅力充满着朝气——李玉刚（国家体育馆）吴克群（老北京四合院）

北京欢迎你在太阳下分享呼吸——5566（白塔寺）胡彦斌（老北京四合院）

在黄土地刷新成绩——刀郎（老北京四合院）

北京欢迎你像音乐感动你——纪敏佳屠洪刚吴彤（老北京四合院）

让我们都加油去超越自己——郭容刘耕宏（老北京四合院）

北京欢迎你有梦想谁都了不起——金莎苏醒韦嘉（老北京四合院）

有勇气就会有奇迹——付丽珊黄征房祖名（老北京四合院）

十 勾 皮旦 老凯 尖